Që në momentin kur Fernando Santos vendosi të lërë në stol Cristiano Ronaldon, stoli i Portugalisë u kthye në një çështje të nxehtë. Pas eliminimit nga Maroku në Botëror, federata portugeze vendosi të ndahet me trajnerin, i cili e nxori kampion Europe ekipin për herë të parë në histori.
Së fundmi për stolin luzitan janë përmendur shumë emra, mes tyre edhe Jose Mourinho. Gjithsesi, ditën e sotme federata portugeze ka bërë me dije se ish-trajneri i Belgjikës, Roberto Martinez, do të jetë tekniku i ri i Portugalisë. Ai ka firmosur deri në vitin 2026.
Martinez la stolin e Belgjikës pas një Botërori tërësisht zhgënjyes, ku nuk arriti të kalojë as grupet. Problemi i parë me të cilin Martinez do të përballet, është Ronaldo. Portugezi, i transferuar së fundmi në Arabi, la Europën për të kaluar në Arabinë Saudite dhe mbetet për tu parë nëse do të grumbullohet nga trajneri i ri.
Um novo ́ ao serviço de Portugal : bem-vindo, Mister Roberto Martínez! #VesteABandeira
— Portugal (@selecaoportugal) January 9, 2023
A new at service: welcome, Coach Roberto Martínez! #WearTheFlag pic.twitter.com/TCDe3yzJr9
