“Në Greqi 4.8 Euro, në Shqipëri 24 mijë lekë”, qytetari ngel pa mend kur blen ilaçin te farmacia pranë QSUT

Shkruar nga: M Gjini | Publikuar më: 06.01.2023, 20:36

Abuzimet me çmimet janë të panumërta në Shqipëri. Por ato dhëmbin akoma më shumë kur ndodhin në mjekësi, sidomos tek çmimet e ilaçeve.

Kështu një qytetar që ka blerë një ilaç tek një farmaci greke pranë QSUT në Tiranë ka ngelur i shokuar kur ka parë diferencën e çmimeve.

Në kuti në gjuhën greke çmimi origjinal ishte shënuar 4.82 Euro ndërsa qytetari pagoi 2360 lekë të reja.

Nëse bëjmë një llogari të thjeshtë, çmimi i shitjes në Shqipëri është 4.2 herë më i lartë. Një diferencë kaq e madhe natyrisht është një abuzim i pastër, por në një vend si Shqipëria ku nuk funksionon asgjë, populli i shkretë është gjithmonë ai që “e ha”.

Në vijim mesazhi i qytetarit:

Pershendetje Joq! Skandal me çmimet e ilaçeve ne farmacitë greke, 4.82 Euro çmimi real, 2360 leke te reja çmimi qe e shesin këtu... Turp, turp, turp... Postojini plerat, ngelen duke vjedhur popullin. E bleva te farmacia greke perballe QSUT. Fature s’me dha, se nuk japin ndonjëherë. Ilaci eshte Omeprazol 20 mg. Flm.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit