Ditën e djeshme është arrestuar djali i bosit famëkeq të drogës “El Chapo”, Ovido Guzman. Por operacioni për kapjen e tij është kthyer në një masakër të vërtetë, pasi 19 anëtarë të dyshuar të bandës dhe 10 ushtarë u vranë gjatë shkëmbimit të zjarrit.
Lajmin e ka bërë të ditur ministri i Mbrojtjes së Sinaloa, Luis Crescencio Santoval, i cili tha se trazirat u përqendruan në qytetin Culiacan, kryeqyteti i Sinaloa, shtëpia e kartelit të fuqishëm të kryesuar nga "El Chapo" deri në arrestimin e tij në 2016 dhe ekstradimin e tij në SHBA vitin e ardhshëm.
Në konferencën për shtyp të dhënë nga Sandoval, ai tha se janë arrestuar gjithsej 21 persona dhe fatmirësisht nuk ka raportime për vdekje të civilëve.
Ovidio Guzman, 32 vjeç, u arrestua në orët e para të mëngjesit të së enjtes dhe u transportua me avion në Mexico City. Ai po mbahet në një burg të sigurisë maksimale.
