Pas afërsisht 44 orësh në rrugë, në një udhëtim nëpër shtatë vende të ndryshme, ariu i murrmë Mark më në fund ka mbërritur në BEAR SANCTUARY Arbesbach(qendra e arinjve në Austri).
Pas më shumë se 20 vjetësh në një kafaz të vogël betoni, atij iu desh pak kohë para se të shkelte në bar dhe tokë për herë të parë në 24 vjet. Marku do të marrë të gjithë kujdesin që i nevojitet nga ekipi me përvojë në strehën e arinjve austriakë. Tani ai mund të rikuperohet dhe të përshtatet me mjedisin e gjerë pyjor, në të cilin do të jetë në gjendje të bredhë, të gërmojë, të notojë, të jetojë pranë arinjve të tjerë dhe potencialisht të dimërojë për herë të parë.
Kur u hap dera e arkës së tij të transportit, Marku ishte i shtrirë i qetë në të, duke parë me kureshtje pyllin me borë përpara tij. Pas udhëtimit 44-orësh nga Shqipëria në Austri përmes Maqedonisë së Veriut, Greqisë, Bullgarisë, Rumanisë dhe Hungarisë, Mark mbërriti në Austri.
Josef Pfabigan, presidenti i organizatër "Katër Putrat" thotë se shpëtimi i ariut të murrmë nga restoranti në Tiranë ku mbahej prej 20 vitesh do të thotë një shans i dytë jete për ariun e murrmë.
Shpëtimi i Markut, ariut të fundit të restorantit në Shqipëri, është një moment historik i madh për mirëqenien e ariut, i cili më në fund merr një shans të dytë për një jetë të përshtatshme për speciet në strehën tonë të arinjve në Arbesbach, Austri. Me shpëtimin e Markut ne i dhamë fund praktikës mizore të mbajtjes së tij pranë një restoranti për të tërhequr dhe argëtuar vizitorët. Tani jemi një hap më afër një bote ku njerëzit i trajtojnë kafshët me respekt, ndjeshmëri dhe mirëkuptim.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
