Ardian Salla, me profesion polic bashkiak në Cërrik, prej datës 30 nëntor 2022 po lufton me jetën. Ai është plagosur në pikën e shfrytëzimit të lumit Shkumbin. Polici rezultonte të ishte i punësuar, nga firma Meteo sh.p.k por i pasiguruar.
Për këtë ngjarje nuk është folur shumë në media dhe dyshohet se po mbahet e fshehur qëllimisht. Por JOQ po sjell disa detaje të siguruara nga burime që kërkojnë të mbeten anonime.
Sipas burimeve, dyshohet se kjo firmë kryen gërmime natën pasi nuk është e pajisur me leje për shfrytëzimin. Nëse rezulton të jetë e vërtetë, Policia ka një pistë hetimi për të zbuluar shkeljet e këtij subjekti të cilat mund të jenë kriminale.
Mësohet se kjo firmë është në pronësi të një biznesmeni i cili quhet Eral Myftaraj. Sipas burimit të JOQ ky biznesmen ka njohur në Qarkun e Elbasanit si dhe njihet për lidhjet e tij në nivele të larta të politikës.
Dyshohet se ai ka marrë shumë tendera publike si në Qarkun e Elbasanit ashtu edhe në atë të Gjirokastrës, si dhe në shfrytëzimin e pyjeve, aktivitet të cilin e ka shtrirë edhe në qytetin e Tiranës.
Burimi i JOQ e mbyll deklarimin e tij duke thënë se Prokurori i Rrethit ka gisht në këtë çështje duke luajtur çdo gurë që firma e ndërtimit ku u aksidentua polici të mos ndëshkohet, ndonëse një njeri është duke luftuar me jetën. Madje dyshohet se këto lidhje për ta mbajtur çështjen të fshehtë, shkojnë deri te ministri i brendshëm Bledar Çuçi.
Të gjitha këto të dhëna, cilado gjykatë apo cilado prokurori duhet t’i hetojë për të nxjerr në përfundim se kush ishte përgjegjës për dëmtimin e policit Ardian Salla dhe në çfarë kushtet punon firma në të cilën u aksidentua polici.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
