Pak muaj më parë, britaniku Tony Garnett mori vëmendjen e mediave vendase dhe jo vetëm, për shkak të historisë së dashurisë që ai nisi me një refugjate ukrainase, të cilën e mikpriti në shtëpi. Kjo romancë e re e çoi në ndarje nga bashkëshortja e tij Lorna dhe dy fëmijët.
22-vjeçarja Sofiia Karkadym ishte një e arratisur nga lufta dhe u strehua nga çifti britanik, në solidarizim me personat që vuanin nga agresioni rus.
Mes britanikut dhe 22-vjeçares ukrainase lindi një romancë e re, që ashtu siç nisi shumë shpejt ashtu dhe përfundoi, raporton Daily Mail.
Tony Garnett tregon se e ka përzënë 22-vjeçaren, pasi ajo pinte shumë dhe nuk e mbante dot alkoolin. Në disa raste në mënyrë të çuditshme kishte goditur me thikë murin e shtëpisë ku jetonin.
Gjithashtu britaniku e akuzon ukrainasen se u përpoq të ndërhynte në marrëdhënien e tij me fëmijët, gjë të cilën ai ia kishte bërë të qartë që në fillim se ata do të ishin primare për të.
“Bëra gabim që u lidha me Sofian. Siç e kam thënë edhe më parë, marrëdhënia ime me Lornën kishte përfunduar dhe unë isha vërtet i pakënaqur. Por kjo nuk ishte gjëja e duhur për mua. Jam përpjekur ta ndihmoj”, rrëfen i riu britanik.
Megjithatë, Sofiia thotë se është 'e lumtur që ai nuk është më pjesë e jetës së saj.
Ajo tha për The Sun: “Unë me të vërtetë e doja dhe mendova se do ta kalonim pjesën tjetër të jetës së bashku dhe do të kishim fëmijë, por ai ndryshoi. Mendoj se u vu nën presion. Madje edhe nëna e tij nuk i foli më për atë që i bëri Lornës. Ai e dinte kur më nxori jashtë se nuk kisha para, ku të shkoja, nuk kisha miq të tjerë në këtë vend. Do të jetë një udhëtim i gjatë dhe i vështirë për mua tani, por unë do të rindërtoj jetën time dhe kur ta bëj, do të jem e lumtur që ai nuk është më pjesë e saj.
Ai filloi të më ngacmonte kur kisha vetëm dy ditë që jetoja me të dhe Lornën. Ne nuk bëmë seks derisa u larguam nga aty. Unë nuk do ta bëja këtë. Por ai më mbante dorën kur ishim vetëm dhe më përqafonte. Ishte i gjithi faji i tij, ai filloi gjithçka. Unë nuk e ndava atë dhe Lornën, lidhja e tyre kishte mbaruar shumë kohë përpara se të shkoja unë."
Ajo gjithashtu akuzoi Tonin se e trajtonte atë si qen, duke shtuar se i la paratë e tij në kumar duke humbur 500£ në ditë teksa luante një lojë kazinoje në internet.
Ndërkohë, Lorna tha se nuk kishte ndërmend një pajtim me babanë e dy vajzave të saj, Tonin.