Fidel Ylli “nxjerr kthetrat”, i jep 1.4 miliardë Saimir Bidajt ndonëse 5 të tjerë ofruan më pak në tenderin e uniformave sportive

Shkruar nga: M Gjini | Publikuar më: 21.09.2022, 21:47

Fidel Ylli, biznesmeni pranë kryeministrit Rama, pak kohë më parë u përdor nga qeveria si vegël mediatike për të hequr vëmendjen nga ngjarjet e ditës nëpërmjet hedhjes në “hava” të lajmit për ri-hapjen e basteve sportive.

Natyrisht vëmendja u hoq nga ngjarjet reale dhe tashmë Fideli duket se nuk shërben më. Ndoshta ky është shkaku që presidenti i Komiteti Olimpik Kombëtar Shqiptar ka vendosur të fillojë organizimet e tenderave.

Këtu nuk bëhet fjalë për një “llaf goje” por për plot 1.4 miliardë lekë të vjetra. Zotëria në fjalë nëpërmjet KOKSH-it ka organizuar një tender me numër reference REF-38028-08-05-2022 dhe me objekt “LOTI I (Veshje Sportive, çanta, çorape etj)”.

Fondi limit i kësaj procedure kap shifrën 113,603,938 lekë të reja pa TVSH ose rreth 1.4 miliardë lekë të vjetra përfshirë TVSH. Bën çudi fakti se në garë kanë marrë pjesë 6 operatorë ekonomikë por fitues është shpallur ai që ka dhënë ofertën më të lartë.

Bëhet fjalë për kompaninë ARISA – KONFEKSION në pronësi të Saimir dhe Diana Bidaj e cila u shpall fituese për vlerën 112,885,700 lekë të reja pa TVSH ose rreth 1.4 miliardë lekë të vjetra me TVSH.

Nëse llogarisim diferencën e vlerës fituese me ofertën më të ulët, del një shifër e frikshme prej mbi 400 milionë lekë të vjetra me TVSH. Në rastin më të mirë këto 400 milionë janë abuzim i pastër që kuptohet lehtë se në xhepat e kujt kanë përfunduar.

Jo vetëm kaq, por vlera fituese rezulton të jetë sa 99,37% e fondit limit të tenderit. Mjafton kaq që SPAK të shkojë tek selia e KOKSH-it dhe t’i tundë prangat përpara fytyrës zotërisë në fjalë. Natyrisht nëse do të ishin hapur bastet online, ne do të kishim vënë bast që SPAK nuk do të paraqitej fare për të arrestuar Yllin e qeverisë, por kjo është një temë tjetër.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Qytetari nga Tirana
    Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
    Vajza nga Shkodra
    Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
    I moshuari invalid
    I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
    I riu guximtar
    I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
    Djali i pastrehë
    Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
    Dy vajza zemërgjera
    Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
Më të Lexuarat
Shkarkoni aplikacionin JOQ ALBANIA në platformat
Më të fundit