Dy notarë janë kafshuar nga një delfin “agresiv” në një plazhi japonez. Mediat japoneze kanë raportuar se një burrë u dërgua në spital të enjten pasi u kafshua në plazhin Koshino pranë Fukuit.
Një burrë është kafshuar në të dy krahët dhe në pjesën e pasme të dorës mëngjesin e së enjtes. Një sulm tjetër më pas ndodhi pasdite ku një burrë i dytë pësoi lëndime në të dy gishtat e dorës së majtë.
Ditët e fundit në mediat japoneze janë shfaqur pamjet që tregojnë sulme të dukshme ndaj notarëve në dhe rreth zonës së plazhit Koshino. Sulme kanë ndodhur edhe në plazhe të tjera në Fukui ku njerëzit mblidhen përgjatë bregut për të parë delfinët duke notuar në plazhin Takanosu.
Sipas zyrtarëve japonezë, të paktën gjashtë sulme të mëparshme në plazhin Koshino besohet se janë shkaktuar nga i njëjti delfin që sulmoi dy burrat dje.
Pavarësisht natyrës së butë të shumicës së delfinëve, nuk është e pazakontë që ata të jenë armiqësorë ndaj notarëve. Për shkak të fluksit të sulmeve të delfinëve në të njëjtin plazh, zyrtarët tani kanë instaluar transmetues tejzanor përgjatë plazhit për të shmangur problemet. Gjithashtu ka pasur paralajmërime për notarët për rreziqet që paraqesin delfinët, të cilëve u është thënë që t'i shmangin nëse i dallojnë në ujë.
Mediat lokale kanë thënë se delfinët në zonë tani janë mësuar me ndërveprimin njerëzor dhe janë parë në ujë të cekët deri në gju.
