Të shtënat e armëve mbrëmjen e djeshme në autostradën Rrëshen-Kukës solli një të plagosur.
Ndërkohë sot pas kërkimeve është arrestuar Florin Gjoka, 25 vjeç dhe akuzohet se ka qëlluar 5 herë me pistoletë në drejtim të 51 vjeçarit Martin Prenga.
Policia ka sekuestruar armën e zjarrit tip pistoletë me të cilën u qëllua 5 herë në pjesën e këmbëve Martin Prenga, ndërsa bashkë me autorin e dyshuar Florin Gjoka, është ndaluar dhe një person tjetër por arsyet nuk bëhen ende me dije.
I plagosuri ndodhet tek spitali i Traumës në Tiranë.